ملتان میں طالبا جو نازیبا اشارے کرنے والا نوجوان پکڑا گیا

ملتان میں اسکول کی طالبات کو ہراساں اور نازیبا اشارے کرنے والے نوجوان نے اپنے کیے پر معافی مانگ لی۔

نوجوان کی اس حرکت کی ویڈیو وائرل ہونے کے بعد، کرائم کنٹرول ڈیپارٹمنٹ (سی سی ڈی) نے 24 گھنٹوں کے اندر ملزم کو گرفتار کر لیا۔

24 اگست کو پیش آنے والے اس واقعے میں، ایک خاتون نے موٹر سائیکل پر سوار ایک شخص کی ویڈیو بنائی تھی جو مبینہ طور پر اس کی طرف نازیبا اشارے کر رہا تھا۔

 یہ ویڈیو سوشل میڈیا پر شیئر ہونے کے بعد وائرل ہوگئی، جس پر سی سی ڈی نے کارروائی کی۔

ملزم کی گرفتاری کے لیے چھاپہ مارا گیا تو اس نے موٹر سائیکل پر فرار ہونے کی کوشش کی، لیکن وہ گر گیا اور اسے چوٹیں آئیں۔ 

تفتیش کے دوران، اس نے اپنی شناخت حافظ محمد معید ولد شاہ زمان قوم شیخ، ساکن فاروق پورہ، ملتان کے طور پر کی۔

بعد ازاں، سی سی ڈی نے ملزم کی ایک ویڈیو جاری کی جس میں وہ اپنے کیے پر شرمندہ نظر آیا اور خواتین کو ہراساں کرنے کا اعتراف کرتے ہوئے معافی مانگی۔

ویڈیو میں ملزم نے کہا، "میں ملتان کا رہائشی ہوں اور میں عوامی مقامات پر خواتین کے ساتھ نازیبا اشارے کیا کرتا تھا۔ جب سی سی ڈی نے میرے گھر پر چھاپہ مارا تو میں موٹر سائیکل پر فرار ہونے کی کوشش میں گر گیا اور میری وہ انگلی زخمی ہوگئی جس سے میں یہ اشارے کرتا تھا۔"

اس نے مزید کہا کہ سی سی ڈی افسران نے اسے اپنی غلطی کا احساس دلایا، اور اس نے دوسرے لوگوں سے بھی ایسی حرکات سے باز رہنے کی اپیل کی۔

ایک اور سافٹویئر اپڈیٹ۔ pic.twitter.com/wfU1pXOfqj

— صحرانورد (@Aadiiroy2) August 25, 2025