ورک ویزا پر امریکا جانے کے خواہش مندوں کو ٹرمپ کا بڑا جھٹکا

امریکی صدر ڈونلڈ ٹرمپ نے ورک ویزا پالیسی میں بڑی تبدیلی کرتے ہوئے ایچ ون بی ویزا کی سالانہ فیس ایک لاکھ ڈالر مقرر کرنے کا اعلان کردیا۔

غیر ملکی خبر رساں ادارے کے مطابق صدر ٹرمپ نے حکم نامے پر دستخط کردیے ہیں جس کے بعد کمپنیوں کو بعض صورتوں میں اپنے غیر ملکی ملازمین کے لیے بھاری رقوم ادا کرنا ہوں گی۔

رپورٹس کے مطابق اس فیصلے سے بالخصوص ٹیکنالوجی کمپنیاں متاثر ہوں گی جو بھارت اور چین سے ماہرین کو امریکا میں ملازمت فراہم کرتی ہیں۔

یاد رہے کہ اس سے قبل ویزا فیس چند سو ڈالر سے شروع ہوکر بعض اوقات ہزاروں ڈالر تک پہنچ جاتی تھی، تاہم اب ایک لاکھ ڈالر کی نئی شرط نے کمپنیوں اور امیدواروں دونوں کے لیے مشکلات کھڑی کرد

ی ہیں۔