پاکستانی انسانی اسمگلرز کا نیا طریقہ واردات، جعلی ٹیم بناکر 22 افراد کو جاپان بھیج دیا

گوجرانوالہ میں انسانی اسمگلنگ کا سنسنی خیز انکشاف ہوا ہے جہاں ایجنٹوں نے 22 افراد کو جعلی فٹبالرز بنا کر جاپان بھجوانے کی کوشش کی۔

ذرائع کے مطابق گروہ کے سرغنہ ملک وقاص نے ’’گولڈن فٹبال ٹرائل‘‘ کے نام سے جعلی کلب قائم کیا، پاکستان فٹبال فیڈریشن اور وزارتِ خارجہ کے جعلی کاغذات تیار کیے اور فی کس 40 لاکھ روپے وصول کیے۔

مزید حیران کن بات یہ ہے کہ یہ اس کا دوسرا کامیاب منصوبہ تھا جس میں اسی طریقے سے لوگوں کو بیرون ملک بھیجا گیا تھا۔ تاہم اس بار جاپانی حکام نے جعلی ٹیم کو پکڑ لیا اور تمام افراد کو ڈی پورٹ کر دیا۔

ایف آئی اے نے فوری کارروائی کرتے ہوئے ملک وقاص کو حراست میں لے لیا ہے جبکہ مزید تحقیقات جاری ہیں۔