یوٹیوبر رجب بٹ کے ہاں بیٹے کی پیدائش

پاکستانی یوٹیوبر اور ٹک ٹاکر رجب بٹ اور ان کی اہلیہ ایمان رجب کے ہاں پہلے بچے کی پیدائش ہوئی ہے۔

تفصیلات کے مطابق مختلف تنازعات اور فیملی وی لاگز کی وجہ سے خبروں میں رہنے والے رجب بٹ اس وقت پاکستان سے باہر قانونی معاملات کے باعث لندن میں مقیم ہیں۔

اُن کی اہلیہ ایمان رجب نے بیٹے کو جنم دیا، جس پر یوٹیوبر نے بیرون ملک موجود دوستوں کے ساتھ خوشی کا بھرپور اظہار کیا۔ سوشل میڈیا پر سامنے آنے والی ویڈیوز میں انہیں ڈھول کی تھاپ پر رقص کرتے دیکھا جا سکتا ہے۔

مداح بڑی تعداد میں رجب اور ایمان کو بیٹے کی پیدائش پر مبارکباد دے رہے ہیں اور نیک خواہشات کا اظہار کر رہے ہیں۔