عمران خان کی رہائی کھٹائی میں پڑ گئی، ایک اور دہشت گردی کے مقدمے میں گرفتار

عمران خان کی رہائی کھٹائی میں پڑ گئی ہے کیونکہ عدالت سے ضمانت منظور ہونے کے بعد انہیں ایک اور دہشت گردی کے مقدمے میں گرفتار کرلیا گیا ہے۔

تفصیلات کے مطابق عمران خان کو راولپنڈی کے تھانہ نیوٹاؤن میں درج دہشت گردی کے مقدمے میں باقاعدہ گرفتار کرلیا گیا ہے۔

عمران خان کے خلاف تھانہ نیو ٹاؤن میں جلاؤ گھیراؤ، پتھراؤ، پولیس سے مزاحمت، سرکاری املاک کو نقصان پہنچانے کا مقدمہ دہشت گردی سمیت دیگر دفعات کے تحت درج ہوا تھا۔

ایس ایس پی انویسٹیگیشن کی سربراہی میں ٹیم عمران خان سے تفتیش کر رہی ہےجبکہ راولپنڈی پولیس کے ترجمان کا کہنا ہے کہ عمران خان کو جسمانی ریمانڈ کے حصول کے لئے آج کو عدالت میں پیش کیا جائے گا۔