ڈی چوک پر پولیس اور رینجرز کا مظاہرین کے خلاف مشترکہ کریک ڈاؤن، متعدد گرفتار

ڈی چوک، جناح ایونیو اور اطراف میں پولیس اور رینجرز نے مظاہرین کے خلاف مشترکہ آپریشن کیا اور اس دوران متعدد کارکنان کو گرفتار کرلیا۔

پولیس اور رینجرز کے کریک ڈاؤن سے قبل دھرنے کے مقام اور اطراف کی بجلی بند کی گئی جبکہ ہوٹل، پمپس اور دکانوں کو بھی کسی خطرے کے پیش نظر پولیس کی طرف سے بند کروادیا گیا تھا۔

آخری اطلاعات کے مطابق پولیس اور رینجرز نے مظاہرین کا گاڑیوں اور پیدل تعاقب کیا جبکہ پولیس نے شدید شیلنگ اور رینجرز نے بھرپور لاٹھی چارج کیا۔

مظاہرین نے کریک ڈاؤن اور شیلنگ پر جواب میں پولیس پر پتھراؤ کیا اور اس دوران جھڑپیں بھی ہوئیں۔