ہمیں تکلیف اور نقصانات اٹھانا پڑ رہے ہیں، نیتن یاہو

اسرائیلی وزیراعظم بینجمن نیتن یاہو نے بدھ کو کہا کہ ہمیں ایران سے دو بڑے خطرات ہیں جن میں سے پہلا جوہری اور دوسرا بیلسٹک میزائل ہے، جنہیں ختم کرنے کیلیے ہم آخری حد تک جائیں گے۔

آپریشن کے چھٹے دن اسرائیلی عوام سے خطاب کرتے ہوئے نیتن یاہو نے کہا کہ "ہم نے  آپریشن کو درپیش دو موجودہ خطرات جوہری خطرہ اور بیلسٹک میزائل خطرہ ہے جس کو ختم کرنے کے لیے ہم نے آپریشن شروع کیا تھا۔ ہم ان خطرات کو مرحلہ وار ختم کرنے کی طرف بڑھ رہے ہیں۔"

انہوں نے ایک بار پھر دعویٰ کیا کہ اسرائیلی فوج اب ایران کے دارالحکومت تہران کے فضائی علاقے پر کنٹرول رکھتی ہے۔ "ہم تہران کے اوپر فضائی کنٹرول رکھتے ہیں۔ ہم آیت اللہ کے نظام کو زبردست طاقت سے نشانہ بنا رہے ہیں،"

انہوں نے کہا کہ"ہم جوہری ہتھیاروں، میزائلوں، ہیڈکوارٹرز اور طاقت کی علامتوں کو نشانہ بنا رہے ہیں۔"

نیتن یاہو نے اعتراف کیا کہ "ہمیں بڑے اور تکلیف دہ نقصانات اٹھانے پڑ رہے ہیں،" لیکن ساتھ ہی کہا کہ "ہم دیکھ رہے ہیں کہ ہوم فرنٹ مضبوط ہے، عوام مضبوط ہیں، اور اسرائیل پہلے سے کہیں زیادہ طاقتور ہے۔ میں نے حکومتی محکموں کو ہدایت دی ہے کہ وہ متاثرین کو ہر ممکن مدد فراہم کریں۔"