لاہور اور پشاور سے اسلام آباد جانے والے تمام ہائی اور موٹرویز بند، لاہور بھی بند

پاکستان تحریک انصاف کے احتجاج سے دو روز قبل ہی پشاور اور لاہور سے اسلام آباد کی طرف جانے والی تمام موٹرویز کو بند کردیا گیا ہے۔

موٹروے پولیس کا کہنا تو یہ ہے کہ مرمتی کام کیلیے شاہراہوں کو بند کیا گیاہے۔ ترجمان کے مطابق موٹر وے ایم ون اور ایم 2، ایم 3 لاہور تا عبدالحکیم آج رات 8 بجے سے مرمت کے لیے بند کیا گیا ہے۔

ایم 4 پنڈی بھٹیاں تا ملتان، ایم 11 سیالکوٹ تا لاہور کو بند کیا گیا ہے۔

لاہور کی انتظامیہ نے انتظامیہ نے بھی رنگ روڈ سمیت دیگر شاہراہوں کو احتجاج کے پیش نظر 2 دن کے لیے بند کرنے کردیا، نوٹی فکیشن کے مطابق رنگ روڈ لاہور  23 اور 24 نومبر کو صبح 8 بجے سے شام 6 بجے تک بند رہے گا۔ ایس پی سکیورٹی کے مطابق رنگ روڈ کو امن و امان کا قیام یقینی بنانے کے لیے بند کیا گیا ہے۔

اسلام آباد میں ٹرانسپورٹ اڈوں اور موٹرویز کی بندش کے معاملے پر ٹرانسپورٹ اتھارٹی ذرائع کا کہنا ہے کہ روزانہ تقریباً ایک لاکھ 30 ہزار افراد اسلام آباد آتے اور جاتے ہیں، اسلام آباد میں ٹرانسپورٹ اڈوں کی بندش سے مسافروں کو مشکلات کا سامنا ہوگا۔

ذرائع ٹرانسپورٹ اتھارٹی کے مطابق اڈوں کی بندش سے ٹرانسپورٹرزکو 4 سے5 کروڑروپے یومیہ نقصان ہوگا۔ ذرائع کا کہنا ہےکہ اسلام آباد کے بڑےاسپتالوں میں ہزاروں مریض روز علاج کے لیے آتے ہیں، مریضوں کی اسلام آباد سے دیگر صوبوں کو  منتقلی کے لیے ایمبولینسز کی نقل و حرکت بھی متاثر ہوگی۔ ذرائع کے مطابق موٹرویز کی بندش سے گڈز ٹرانسپورٹ کا کاروبار بھی متاثر ہوگا۔

اُدھر لاہور، اسلام آباد اور روالپنڈی میں قائم بین الصوبائی بس اڈوں کو بھی بند کردیا گیا ہے۔