مذاکرات نہیں اب حکومت کے پاس عمران خان کی رہائی کے سوا کوئی آپشن نہیں، عارف علوی

سابق صدر مملکت عارف علوی بھی پشاور سے اسلام آباد کیلیے روانہ ہوگئے ہیں۔

پشاور روانگی کے وقت میڈیا سے بات کرتے ہوئے عارف علوی نے کہا کہ مذاکرات کا وقت تو ختم ہوچکا ہے اور اب حکومت کے پاس عمران خان کی رہائی کے علاوہ کوئی اور آپشن نہیں ہے۔

عارف علوی نے کہا کہ  آج تک بانی پی ٹی آئی کی کوئی کال ناکام نہیں ہوئی، حکومت کو عمران خان کو رہا کرنا پڑے گا کیونکہ ان کے اس کے علاوہ کئی اور چارہ نہیں ہے۔ انہوں نے کہا کہ بانی پی ٹی آئی نے آج تک کوئی سمجھوتہ نہیں کیا، اسی لیے اگر الیکشن کے دن 70 فیصد لوگ ہمارے ساتھ تھے تو آج 90 فیصد لوگ ہمارے ساتھ ہیں ۔

سابق صدر کا کہنا تھا دنیا سوال اٹھا رہی ہےکہ یہ لوگ اپنے ملک کے ساتھ کیا کر رہے ہیں، بانی پی ٹی آئی کے لیے جان دینےکو تیار ہوں۔