پی ٹی آئی احتجاج، راولپنڈی کے بس اڈے بھی غیر معینہ مدت کیلیے بند

پی ٹی آئی احتجاج کے پیش نظر راولپنڈی میں بھی ٹرانسپورٹ اڈے غیر معینہ مدت کے لیے بند کردئیے گے ۔

پی ٹی آئی کہ 24 نومبر کی احتجاج سے نمٹنے کے لیے انتظامیہ کی تیاریوں میں مزید سختی آتی جارہی ہے، راولپنڈی میں بین الصوبائی ٹرانسپورٹ اڈوں کو بھی بند کردیا دیا گیا۔

اس حوالے سے  سیکرٹری ریجنل ٹرانسپورٹ اتھارٹی راولپنڈی راشد علی نے باقاعدہ احکامات جاری کردیے جن میں ایڈمنسٹریٹر سی کلاس، جنرل بس اسٹینڈ، پیر ودھائی سمیت پراپرئٹرز  ڈی کلاس بس اسٹینڈز اور اربن ٹرانسپورٹرز کو حکم دیا گیا ہے کہ  تمام اڈے 22 کی شب نو بجے سے تاحکم ثانی بند رکھیں جائیں   اور ٹرانسپورٹ اڈوں کو بند کرکے قناعتیں لگا کر سیل رکھا جائے گا۔

حکم نامے میں واضح کیاگیا ہے کہ اڈے بند یا سیل نہ رکھنے  پر مالکان  و انتظامیہ کے خلاف موٹر وہیکل رولز کے تحت کاروائی عمل میں لائی جایے گی جبکہ احکامات سے چیرمین ریجنل ٹرانسپورٹ اتھارٹی راولپنڈی سی پی او راولپنڈی اور چیف ٹریفک آفیسر کو بھی آگاہ کردیاگیا ہے۔