یہ احتجاج کی فائنل کال ہے جو واپس نہیں ہوگی، عمران خان سے ملاقات کے بعد بیرسٹر گوہر کا اعلان

چیئرمین پی ٹی آئی بیرسٹر گوہر کا کہنا ہے کہ ان کی بانی پی ٹی آئی عمران خان سے اہم ملاقات ہوئی ہے جس میں انہوں نے احتجاج کو فائنل کال ہی قرار دیا ہے۔

تفصیلات کے مطابق اڈیالہ جیل میں بانی پی ٹی آئی سے بیرسٹر سیف اور بیرسٹر گوہر نے ڈیڑھ گھنٹہ طویل ملاقات کی۔ 

ملاقات کے بعد میڈیا سے گفتگو کرتے ہوئے بیرسٹر گوہر کا کہنا تھا کہ میری بانی پی ٹی ائی سے اہم ملاقات ہوئی ہے، بانی پی ٹی آئی کی احتجاج کی کال فائنل ہے اور احتجاج کال آف والی بات نہیں ہے۔ مذاکرات سے متعلق سوال پر چیئرمین پی ٹی آئی کا کہنا تھا جی اس پر آپ کو ان شاءاللہ بتائیں گے، مذاکرات چل رہے ہیں۔