ایران کا اقوام متحدہ کے جوہری ادارے سے ختم کرنے کا فیصلہ، قرارداد منظور

ایرانی پارلیمنٹ نے بدھ کے روز اقوام متحدہ کے جوہری نگران ادارے (آئی اے ای اے) کے ساتھ تعاون روکنے کے حق میں ووٹ دیا ہے۔ 

یہ فیصلہ اس وقت آیا ہے جب اسرائیل اور امریکہ نے حال ہی میں ایران کی جوہری تنصیبات پر حملے کیے تھے۔  

ایرانی سرکاری ٹی وی کے مطابق، پارلیمنٹ کے سپیکر محمد باقر قالیباف نے کہا کہ آئی اے ای اے نے ایران کی جوہری تنصیبات پر حملوں کی مذمت کرنے سے انکار کر دیا، جس سے اس کی ساکھ متاثر ہوئی ہے۔

 انہوں نے کہا کہ ایران آئی اے ای اے کے ساتھ تعاون تب تک معطل رکھے گا جب تک جوہری تنصیبات کی حفاظت کی ضمانت نہیں دی جاتی۔  

اب یہ فیصلہ ایران کی سپریم نیشنل سکیورٹی کونسل سے حتمی منظوری کا منتظر ہے۔  

گزشتہ ہفتے، اسرائیل نے 13 جون کو ایران کی کئی جوہری تنصیبات پر حملے کیے تھے، جبکہ 22 جون کو امریکہ نے بھی تین جوہری سائٹس کو نشانہ بنایا تھا۔ پاکستان سمیت کئی ممالک نے ان حملوں کی مذمت کی تھی۔ ایران کا کہنا ہے کہ آئی اے ای اے نے جوہری تنصیبات کی حفاظت کے فرائض صحیح طریقے سے انجام نہیں دیے۔