فلسطینی قیدیوں کی رہائی کے بعد 10 زندہ اور 18 مردہ اسرائیلیوں کی لاشیں دیں گے، حماس

فلسطین کی مزاحمت کار تنظیم نے جنگ بندی کیلیے پیش کی جانے والی تجویز پر اپنا جواب جمع کرادیا۔

بین الاقوامی میڈیا رپورٹ کے مطابق حماس نے جنگ بندی کی پیش کش پر اپنے جواب میں کہا کہ فلسطینی قیدیوں کی متفقہ رہائی کے بدلے 10 زندہ اور 18 مردہ یرغمالیوں کی لاشیں دینے کو تیار ہے۔

حماس نے جواب میں لکھا کہ یہ معاہدے کی تجویز کردہ تعداد ہے۔

دوسری جانب وائٹ ہاؤس کا کہنا ہے کہ حماس نے امریکی سفیر سٹیو وٹکوف کی جانب سے تجویز کردہ مسودے پر اپنے تحفظات کا بھی اظہار کیاا ہے جسے اسرائیل کی جانب سے منظوری حاصل ہو چکی ہے۔

حماس نے تحریک کی شرائط کا اعادہ کی جن میں مستقل جنگ بندی، غزہ سے اسرائیل کا مکمل انخلا اور انسانی امداد کی مسلسل ترسیل کی ضمانت شامل ہے۔

حماس نے واضح کیا کہ ان میں سے اگر کوئی بھی شرط پوری نہ کی گئی تو پھر ہماری جانب سے ایکشن جاری رہے گا اور ہم واضح طور پر ان تجاویز کو مسترد کردیں گے۔