لندن میں سکھ خاتون کے ساتھ سفید فام درندوں کی دن دہاڑے اجتماعی زیادتی

برطانیہ میں ایک افسوسناک واقعہ پیش آیا جہاں ایک سکھ خاتون کو دو سفید فام افراد نے مبینہ طور پر زیادتی کا نشانہ بنایا۔

یہ واقعہ دن کے وقت پیش آیا اور دورانِ حملہ ملزمان نے نسلی منافرت پر مبنی جملے کسے، جیسے کہ “یہ ملک تمہارا نہیں، واپس جاؤ”۔

پولیس نے اس حملے کو ’’نسلی تعصب پر مبنی جرم‘‘ قرار دیا ہے اور معاملے کی تحقیقات شروع کر دی ہیں، جس میں سی سی ٹی وی فوٹیج، فرانزک شواہد اور دیگر پہلوؤں کا جائزہ لیا جا رہا ہے۔

مقامی سکھ برادری اور خطے کے اراکینِ پارلیمان نے اس واقعے کی سخت مذمت کی ہے۔ پولیس نے عوام سے اپیل کی ہے کہ اگر کسی کے پاس اس واقعے سے متعلق ویڈیو، تصاویر یا معلومات موجود ہوں تو وہ فوری طور پر رابطہ کرے۔