اگر اس عمر میں یاسر دوسری شادی کرنا چاہے تو۔۔ ندا یاسر نے خاموشی توڑ دی

معروف پاکستانی میزبان ندا یاسر نے حال ہی میں اپنے حج کے سفر اور اپنے شوہر کے ساتھ چھٹیاں گزارنے پر تنقید کرنے والوں کو آڑے ہاتھوں لیا ہے۔

ندا یاسر حال ہی میں پاکستانی اداکار فیصل قریشی کے پوڈ کاسٹ پر نظر آئیں، جہاں انہوں نے مختلف مسائل اور ماضی کے تنازعات کے بارے میں بات کی۔

انہوں نے کہا کہ "لوگوں کا کام تنقید کرنا ہے۔ جب ہم نے حج سے متعلق ایک بلاگ شیئر کیا، تب بھی انہوں نے ہمیں تنقید کا نشانہ بنایا، اور جب ہم بعد میں چھٹیوں پر گئے تو انہوں نے تعطیل کی ضرورت پر سوال اٹھایا۔

ندا یاسر نے ناقدین کو آڑے ہاتھوں لیتے ہوئے کہا کہ حج کے بعد چھٹیاں منانا منع نہیں ہے۔ انہوں نے کہا کہ میں اپنے حق حلال کے پیسوں سے خاندان کے ہمراہ چھٹیوں پر گئی تھی۔ کسی کتاب میں یہ نہیں لکھا کہ ہم حج کے بعد چھٹیاں نہیں گزار سکتے۔

انہوں نے واضح کیا کہ حج کے دوران یادوں کو قید کرنا ایک عام عمل ہے، ان کا کہنا تھا کہ "یہ ہماری یادیں ہیں، جنہیں ہم مستقبل میں اپنے بچوں اور نواسوں کے ساتھ بانٹ سکتے ہیں۔"

نادانیاں اسٹار نے اپنے مارننگ شو میں اینکر پرسن رابعہ انعم اور اداکار محسن عباس حیدر کے درمیان ہونے والے تنازع پر بھی بات کی۔ انہوں نے مزید کہا، "رابعہ ایک کوآپریٹو مہمان تھی، لیکن دیگر مہمانوں کو بھی میں نے مدعو کیا تھا۔ میں اپنے مہمانوں کو کسی دوسرے مہمان کو جانے کی اجازت نہیں دے سکتی۔"

"اگر کوئی شخص اپنی ذاتی زندگی میں کچھ کرتا ہے تو اسے سزا دینا اللہ کا فرض ہے، ہم سزا دینے والے یا بدلہ دینے والے کون ہیں؟"

انہوں نے اپنے شوہر یاسر نواز کے ہلکے پھلکے مطالبے پر بھی توجہ دلائی کہ حکومت ایک قانون پاس کرے جس کے تحت بیویاں اپنے شوہر کی دوسری شادی کرائیں۔

ندا نے کہاکہ ہم میں سے کسی نے مستقبل نہیں دیکھا۔ اگر یاسر اس عمر میں دوبارہ شادی کرنا چاہتا ہے تو میں کیا کرسکتی ہوں۔