پی ٹی آئی احتجاج، حکومت کا رات 12 بجے سے ملک بھر میں انٹرنیٹ سروس مکمل بند کرنے کا فیصلہ

حکومتی ذرائع کا کہنا ہے کہ تحریک انصاف کے احتجاج کے پیش نظر رات 12 بجے سے انٹرنیٹ سروس کو ملک بھر میں بند کردیا جائے گا۔

ذرائع کے مطابق انٹرنیٹ سروس کی بندش کے بعد وائی فائی سے بھی انٹرنیٹ نہیں چلے گا تاہم موبائل فون سروس بحال رہے گی۔

حکومتی ذرائع کا مزید کہنا ہے کہ انٹرنیٹ سروس کی بندش کا فیصلہ بہت سوچ بچار کے بعد کیا گیا ہے تاہم حالات کو دیکھتے ہوئے موبائل سگنل کے حوالے سے بھی فیصلہ کیا جائے گا۔