پی ٹی آئی احتجاج سے قبل اسلام آباد پہنچنے والے 300 کارکنان گرفتار، خواتین بھی شامل

وفاقی دارالحکومت میں پی ٹی آئی کے دھرنے سے قبل پہنچنے والی خواتین سمیت 300 سے زائد کارکنان کو پولیس نے گرفتار کرلیا۔

تفصیلات کے مطابق وفاقی دارالحکومت اسلام آباد  میں پی ٹی آئی کے احتجاج کے معاملے پر اسلام آباد میں بھی پی ٹی آئی کے کارکنان کی پکڑ دھکڑ جاری ہے۔

اسلام آباد کے مختلف تھانوں کی حدود سے  300 سے زائد کارکنان اب تک گرفتار کیے گئے ہیں جن کو مختلف تھانوں میں منتقل کردیا گیا ہے۔ گرفتار ہونے والے کارکنان میں خواتین کارکنان بھی شامل ہیں۔

اسلام آباد پولیس کے مطابق شہر بھر میں دفعہ 144 نافذ العمل ہے،قانون کی خلاف ورزی پر سخت ایکشن لیا جائے گا۔