ٹرمپ کا ایران میں رجیم چینج کے بیان پر یوٹرن، سفارت کاری سے مسئلہ حل کرنے کا عندیہ

امریکی صدر ٹرمپ نے ایران میں رجیم چینج کے حوالے سے دیے گئے اپنے بیان پر یوٹرن لے لیا ہے۔

وائٹ ہاؤس کی جانب سے جاری وضاحیت بیان میں کہا گیا ہے کہ ٹرمپ نے صرف سوال اٹھایا تھا کیونکہ دنیا بھر میں لوگ اس حوالے سے پوچھ رہے تھے۔

ترجمان وائٹ ہاؤس نے کہا کہ ٹرمپ اب بھی ایران سے مذاکرات میں دلچسپی رکھتے ہیں اور اُن کی خواہش ہے کہ سفارت کاری کے ذریعے مسئلہ حل ہو، اگر ایران بات چیت سے انکار کرے تو عوام کو حکومت سے اقتدار چھین لینا چاہیے کیونکہ وہاں برسوں سے عوام کو دبایا جارہا ہے۔

وائٹ ہاؤس ترجمان نے کہا کہ ایران میں انتخاب کا وقت آگیا ہے، اس لیے عوام کو بہت سوچ سمجھ کر فیصلہ کرنا ہوگا۔ امریکا نے ایران کی جوہری تنصیبات پر حملے حکومت کی تبدیلی کی وجہ سے نہیں بلکہ سیکورٹی کے باعث کیے تھے۔