ایران میں موساد ایجنٹس کی گرفتاری سے بچنے کیلیے زہریلی گولی کھانے کی کوشش ناکام، ویڈیو سامنے آگئی

ایرانی سیکورٹی فورسز نے دعویٰ کیا ہے کہ انہوں نے موساد (اسرائیلی خفیہ ایجنسی) کے ایک مبینہ خفیہ ایجنٹ کو گرفتار کیا، جس نے گرفتاری کے دوران سیانائیڈ کی گولی چبانے کی کوشش کی۔

یہ زہریلا مادہ انتہائی خطرناک ہوتا ہے اور فوری موت کا سبب بن سکتا ہے۔ تاہم، قانون نافذ کرنے والے اہلکاروں نے بروقت مداخلت کرکے زہر کو خارج کرنے پر مجبور کر دیا۔  

ایرانی حکام کے مطابق، یہ واقعہ ملک میں اسرائیلی جاسوسوں کے خلاف جاری کارروائی کا حصہ ہے، جس کے تحت متعدد مشتبہ افراد کو پہلے ہی حراست میں لیا جا چکا ہے۔

ان کا کہنا ہے کہ یہ جاسوس ملک کے اندر خفیہ ڈرون بیسز سے ایرانی تنصیبات کو نشانہ بنا رہے تھے۔  

واضح رہے کہ سیانائیڈ نامی گولی کا استعمال خفیہ ایجنٹوں کی جانب سے گرفتاری کے وقت معلومات کے اخراج سے بچنے کے لیے کیا جاتا ہے۔  اس واقعے کی آزاد ذرائع سے تصدیق نہیں ہو سکی ہے تاہم تہران ٹائمز نے سارے منظر کی ویڈیو جاری کی ہے۔

حکام کا دعویٰ ہے کہ اسرائیلی جاسوسوں کا نیٹ ورک ایران میں سرگرم ہے اور ملک کے اندر سے ہی ڈرون حملوں کی منصوبہ بندی کی جا رہی تھی۔

#BREAKING
A Mossad agent attempted suicide by chewing a cyanide pill after being arrested by Iranian security forces. pic.twitter.com/jgCQ5mFEFm

— Tehran Times (@TehranTimes79) June 18, 2025