آئی ایس آئی کے نئے چیف کے نام کا اعلان

آرمی چیف نے پاکستانی خفیہ ایجنسی آئی ایس آئی کے نئے چیف کی تعیناتی کا حکم جاری کردیا جس کے بعد آئی ایس آئی کے نئے سربراہ کے نام کا اعلان کردیا گیا۔

پاک فوج کے شعبہ تعلقات عامہ ( آئی ایس پی آر) کے ذرائع کے مطابق لیفٹیننٹ جنرل محمد عاصم ملک کو آئی ایس آئی کا نیا سربراہ تعینات کردیا گیا، وہ اپنی ذمہ داریاں 30 ستمبر کو سنبھالیں گے۔

لیفٹیننٹ جنرل عاصم ملک جی ایچ کیو میں ایڈجوائنٹ جنرل کے طور پر فرائض انجام دے رہے ہیں، اس سے قبل وہ بلوچستان انفنٹری ڈویژن اور وزیرستان میں ڈیوٹی انجام دے چکے ہیں۔