کراچی میں جرائم پر قابو پانے کیلیے جدید کیمرے نصب

شہر قائد میں جرائم پر قابو پانے کیلیے سیف سٹی پروجیکٹ کے پہلے مرحلے کا آغاز کردیا ہے۔

اس حوالے سے ڈائریکٹر جنرل سندھ سیف سٹیز اتھارٹی آصف اعجاز شیخ نے کہا ہے کہ سیف سٹی پروجیکٹ کے پہلے مرحلے کا آغاز کر دیا گیا ، ایس فور کنٹرول روم سے متصل سینٹرل پولیس آفس (سی پی او) کمانڈ اینڈ کنٹرول سینٹر میں لائیو فیڈ ڈسپلے کے ساتھ پول پر کیمروں کی تنصیب کا عمل شروع ہوگیا ہے۔ 

انہوں نے بتایا کہ 5 پولز پر نصب 25 کیمروں نے کام شروع کر دیا جبکہ اب تک 43 پولز لگائے جا چکے ہیں ۔