پاکستان

الیکشن کمیشن نے صدر کے الیکشن کا شیڈول جاری کردیا

صدر کے انتخاب کیلیے ووٹنگ نو مارچ کو پارلیمنٹ ہاؤس اور چاروں صوبائی اسمبلیوں میں ہوگی

Webdesk

|

1 Mar 2024

الیکشن کمیشن آف پاکستان نے صدر مملکت کے انتخاب کیلیے الیکشن کا شیڈول جاری کردیا۔

الیکشن کمیشن آف پاکستان کے مطابق نئے صدر مملکت کے انتخاب کیلیے پولنگ 9 مارچ کو ہوگی۔ دلچسپی رکھنے والے امیدوار 2 مارچ تک کاغذات نامزدگی جمع کرواسکتے ہیں۔

شیڈول کے مطابق کاغذات نامزدگی پر جانچ پڑتال چار مارچ کو ہوگی جبکہ پانچ مارچ تک امیدوار کاغذات نامزدگی واپس لے سکتے ہیں، اس کے بعد دن ایک بجے امیدواروں کی حتمی فہرست آویزاں کی جائے گی۔

الیکشن کمیشن کے مطابق صدر کے انتخاب کیلیے ووٹنگ پارلیمنٹ ہاؤس اسلام آباد اور چاروں صوبائی اسمبلیوں میں ہوگی۔