ریٹائرڈ سرکاری ملازمین اور اہل خانہ کیلیے بری خبر

حکومت نے پنشن کا بوجھ کم کرنے کیلیے نئی پالیسی متعارف کرادی جس میں بڑی تبدیلیاں کی گئیں ہیں۔

تفصیلات کے مطابق حکومت کی جانب سے اب فیملی پنشن کی مدت 10 سال مقرر کردی گئی ہے جبکہ اسپیشل فیملی پنشن کی مدت پچیس سال کر دی گئی ہے۔

نئی تبدیلی کے تحت ریٹائرڈ ملازم کا معذور بچہ تاحیات فیملی پنشن وصول کرے گا۔ وزارت خزانہ کے مطابق رضاکارانہ ریٹائرمنٹ کیلئے پچیس سال سروس لازمی ہو گی جبکہ قبل از وقت ریٹائرمنٹ پر ملازم کو جرمانہ دینا ہوگا۔

اس سے قبل وزیرخزانہ محمد اورنگزیب نے کہا کہ پنشن کا بوجھ کم کرنے کیلیے اقدامات ضروری ہوگئے ہیں، کیونکہ یہ خرچہ بہت بڑا ہے۔