صارفین کیلیے خوشخبری، بجلی کی قیمتوں میں کمی کا امکان

بجلی صارفین کیلیے خوشخبری یہ ہے کہ انہیں قیمتوں میں معمولی ریلیف مل سکتا ہے۔

تفصیلات کے مطابق سرکاری ڈسکوز کے صارفین کیلئے بجلی کی قیمتوں میں معمولی ریلیف متوقع ہے اور ایک ماہ کیلئے بجلی کی فی یونٹ قیمت میں 57 پیسے کمی کا امکان ظاہر کیا جارہا ہے۔

سی پی پی اے نے قیمت میں کمی سے متعلق نیپرا میں فیول ایڈجسٹمنٹ کی مد میں کمی کی درخواست دائر کر دی۔ نیپرا اتھارٹی سی پی پی اے کی درخواست پر 26 ستمبر کو سماعت کرے گی۔ نیپرا سماعت کے بعد قیمتوں میں کمی سے متعلق فیصلہ کرے گا۔