آئینی ترامیم، عمران خان کا مولانا پر شبہات کا اظہار

پاکستان تحریک انصاف کے بانی چیئرمین نے آئینی ترامیم پر مولانا فضل الرحمان کے ڈٹ جانے اور مخالفت پر بھی اپنے شکوک و شبہات کا اظہار کردیا ہے۔

اڈیالہ میں سماعت کے دوران غیر رسمی گفتگو میں صحافی نے عمران خان سے سوال کیا کہ تحریک انصاف کا سوشل میڈیا مولانا کو آپ سے بڑا لیڈر ظاہر کررہا ہے اس کی وضاحت کردیں۔

عمران خان نے کہا کہ ملک میں جمہوریت کیلیے تمام سیاسی طاقتوں کو اکھٹا ہونا ہوگا اور اگر مولانا فضل الرحمان ساتھ کھڑے ہوں تو اچھی بات ہے، آئینی ترامیم کی حمایت کے معاملے میں مولانا فضل الرحمان کا کیا کردار ہوگا کچھ نہیں کہہ سکتا۔