حکومت نے عوام پر پیٹرول بم گرادیا، بڑا اضافہ

حکومت نے پیٹرولیم مصنوعات کی قیمتوں میں مجموعی طور پر 54 روپے فی لیٹر کا بڑا اضافہ کردیا، پیٹرول اور ڈیزل کی فی لیٹر قیمتوں میں  تقریبا 27، 27 روپے کا اضافہ کیا گیا ہے۔

تفصیلات کے مطابق حکومت نے پیٹرولیم مصنوعات کی قیمتوں میں یکمشت بڑا اضافہ کرتے ہوئے عوام پر مہنگائی کا نیا بوجھ ڈال دیا ہے۔ 

نوٹیفیکیشن کے مطابق پیٹرول اور ہائی اسپیڈ ڈیزل کی قیمتوں میں 26 روپے 77 پیسے فی لیٹر اضافہ کر دیا گیا ہے۔ 

حالیہ اضافے کے بعد پیٹرول کی نئی قیمت 393 روپے 33 پیسے کی بلند سطح پر پہنچ گئی ہے جبکہ ڈیزل کی قیمت  380 روپے 19  پیسے ہوگئی ہے۔  قیمتوں میں اضافے کا اطلاق رات 12 بجے سے ہوگا۔