خیبرپختونخوا میں پولیو ڈیوٹی کرنے والے اہلکاروں پر حملے، 1 شہید 2 زخمی

خیبرپختونخوا کے ضلع کرک کی تحصیل بانڈہ داود شاہ کے علاقے شکر خیل میں پولیو ٹیم پر حملہ ہوا جس میں ڈیوٹی پر مامور اہلکار شہید یوگیا۔

ڈی پی او کے مطابق پولیو ٹیم کے ساتھ ڈیوٹی پر مامور پولیس حوالدار عرفان شہید جبکہ ورکر زخمی ہوئے۔

نامعلوم موٹرسائیکل سواروں نے پولیس ٹیم پر حملہ کیا۔

بنوں کے تھانہ صدر کی حدود میں پولیو اہلکار حیات اللہ خان ہر فائرنگ ہوئی جس میں وہ زخمی ہوگئے اور انہیں طبی امداد کیلیے اسپتال منتقل کردیا گیا ہے۔

پولیس نے واقعے کو پرانی دشمنی قرار دیتے ہوئے واقعے کی مزید تحقیقات شروع کردی ہیں۔