معمولی جھگڑے پر شوہر نے 5 بچوں کی ماں کو قتل کردیا

پنجاب کے علاقے گجرپورہ میں گھریلو جھگڑے کے دوران غصے میں آکر شوہر نے پانچ بچوں کی ماں کو فائرنگ کر کے قتل کردیا۔

تفصیلات کے مطابق گجرپورہ میں گھریلو لڑائی جھگڑے پر طیش میں آ کر شوہر نے بیوی کو قتل کر دیا جہاں مقتولہ کی شناخت طوبیٰ کے نام سے ہوئی۔

پولیس کے مطابق  گھر میں معمولی جھگڑے پر شوہر عبدالرحمن عرف مانی شاہ نے گولیاں ماریں اور موقع سے فرار ہوگیا۔ مقتولہ طوبیٰ پانچ بچوں کی ماں تھی۔

واقعے کے بعد پولیس نے جائے وقوعہ سے شواہد اکھٹے کیے جبکہ ملزم کی گرفتاری کیلیے کوششیں شروع کردیں۔