سندھ رینجرز نے شہریوں کے اغوا میں ملوث بدنام ملزم کو گرفتار کرلیا

کراچی : پاکستان رینجرز (سندھ) نے خفیہ اطلاع کی بنیاد پر چھاپہ مار کارروائی کے دوران کراچی کے علاقے مچھر کالونی سے شہریوں کے اغوا میں ملوث بدنام زمانہ ملزم محمد نور عرف منا ڈانسر ولد عبدالشکور کو گرفتار کر لیا۔

 گرفتار ملزم کے قبضے سے غیر ملکی کرنسی اور ایک عد د موبائل فون بر آمد کرلیا۔ گرفتار ملزم کے خلاف تھانہ جمشید کو اٹر میں اغوا برائے تاوان کا مقدمہ درج ہے۔

مورخہ 14اگست کو ملزم اور اس کے دیگر ساتھیوں نے نزد مزار قائد کراچی سے ایک 15سا لہ بچے راشد بلیدی کو اغوا کرنے کی کوشش کی تھی جس میں ان کے 7ساتھی عامر علی ولد روشن علی، بلال علی ولد مبارک علی شیخ، فیصل رانا ولد رانا عبدالجبار، محمد نعمان ولد قاری ریاض حسین، فرید الحق ولد سعید الحق،محمد نور ولد سید امین اور ملزمہ گلزارہ شبیررینجرز کے ہاتھوں گرفتار ہو چکے ہیں جبکہ ملزم موقع سے فرار ہونے میں کامیاب ہو گیاتھا۔

 ابتدائی تفتیش کے دوران گرفتار ملزم نے انکشاف کیا ہے کہ وہ اغوا برائے تاوان، پولیس مقابلوں، اقدام قتل اور چوری کی متعد د وارداتوں میں ملوث ہے۔

دوران تفتیش ملزم نے اعتراف کیا کہ وہ اپنے ایک ساتھی محمد آصف ولد اکبر کے ساتھ مل کر یکم اگست 2025 کوکراچی کے علاقے جمعہ گوٹھ، براہیم حیدری کورنگی سے ایک 19 سالہ عورت مسما مسکان زوجہ عمیر کو اغوا کر نے میں بھی ملوث ہے۔

 واقعہ کی ایف آئی آر تھانہ ابراہیم حیدری میں درج ہے جس میں ملزم مفرورہے اور پولیس کو مطلوب تھا۔ گرفتار ملزم عادی مجرم ہے اور متعدد بار گرفتار ہو کر جیل جاچکاہے۔

ملزم کے خلاف کراچی کے مختلف تھانوں میں متعدد ایف آئی آرز درج ہیں۔ گرفتارملزم کو بمعہ بر آمد شدہ سامان مزید قانونی کاروائی کے لیے پولیس کے حوالے کر دیا گیا ہے۔

عوام سے اپیل ہے کہ ایسے عناصر کے بارے میں اطلاع فوری طور پر قریبی رینجرز چیک پوسٹ، رینجرز ہیلپ لائن 1101 یا رینجرز مددگار واٹس ایپ نمبر 03479001111 پر کال یا ایس ایم ایس کے ذریعے دیں۔ آپ کا نام صیغہ راز میں رکھا جائے گا۔