اسنوکر چیمپئن شپ: فائنل میں بھارت نے پاکستان کو شکست دیدی

بھارت کے کمل چاولہ نے آئی بی ایس ایف ورلڈ 6 ریڈ بال چیمپئن شپ کا ٹائٹل پاکستان کے اسجد اقبال کو شکست دے کر جیت لیا۔

منگولیا میں ہونے والی آئی بی ایس ایف6 ریڈ بال چیمپئن شپ کا فائنل پاکستان کے اسجد اقبال اور بھارت کے کمل چاولہ کے درمیان کھیلا گیا۔

11 فریم پر مشتمل فائنل کے ابتدائی 2 فریم 47-23 اور 47-18سے جیت کراسجد اقبال نے شاندار آغاز کیا لیکن بھارتی کیوسٹ دبا میں نہیں آئے اور تیسرے فریم میں 71 کا بریک کھیل کر نہ صرف کم بیک کیا بلکہ مسلسل 6  فریم جیت کر ٹائٹل جیت لیا۔

فیصلہ کن معرکے میں کمل چاولہ کی کامیابی کا اسکور 47-23، 18-47، 0-71، 7-41، 64-0، 43-0، 33-20 اور 29-36 رہا۔