سری لنکن کرکٹ کا جے سوریا کو بڑی ذمہ داری دینے کا فیصلہ

سری لنکا کرکٹ نے سابق کپتان سنتھ جے سوریا کو ایک سال کے لیے فل ٹائم ہیڈ کوچ تعینات کرنے کا فیصلہ کر لیا۔

سری لنکن میڈیا کا کہنا ہے کہ سابق کپتان سنتھ جے سوریا ان دنوں سری لنکا کرکٹ ٹیم کے عبوری ہیڈ کوچ کی ذمہ داریاں نبھا رہے ہیں، ان کے دور میں سری لنکا کرکٹ ٹیم کی کارکردگی نمایا رہی ہے۔

سابق کپتان نے انڈیا کو ون ڈے سیریز میں ہرانے کے بعد انگلینڈ میں ٹیسٹ میچ جیتا جبکہ نیوزی لینڈ کے خلاف ہوم ٹیسٹ سیریز جیتنے کے قریب ہیں۔

سری لنکن میڈیا کا اس حوالے سے کہنا ہے کہ اب سنتھ جے سوریا کو ایک سال کے لیے کل وقتی کوچ بنانے کا فیصلہ ہوگیا ہے، سنتھ جے سوریا کی نئی مدت نیوزی لینڈ کے خلاف ٹیسٹ سیریز کے بعد شروع ہوگی۔