ممبئی میں موسلا دھار بارشیں، تعلیمی ادارے بند

ممبئی : بھارت کے شہر ممبئی میں موسلادھار بارش کے باعث مختلف حادثات میں 4 افراد ہلاک ہوگئے۔

بھارتی میڈیا کے مطابق گزشتہ شام ہونے والی 275 ملی میٹر بارش کے باعث مسافروں کو پریشانی کا سامنا رہا۔

کئی سڑکیں پانی میں ڈوب گئیں جس سے ٹریفک کی روانی بری طرح متاثر ہوئی ہے جبکہ ٹرین سروس متاثر اور کچھ پروازوں کا رخ بھی موڑنا پڑا۔

ممبئی اور دیگر علاقوں میں موسلادھار بارش کا امکان ظاہر کیا گیا ہے، جبکہ حکام نے ریڈ الرٹ جاری کردیا جس کی وجہ سے آج اسکولوں اور کالجوں میں تعطیل کا اعلان کیا گیا ہے اور ماہی گیروں کو بھی سمندر میں نہ جانیکی ہدایت کی گئی ہے۔

بھارتی میڈیا کے مطابق بارش کے امکان کی وجہ سے آج بھی کچھ فلائٹس کا شیڈول متاثر ہونے کا امکان ہے۔اندھیری کے علاقے میں ایک خاتون کھلے مین ہول میں گر کر ہلاک ہو گئی جس کی لاش نکال لی گئی۔