ایران کو جواب دینے کیلیے ہر حد تک جائیں گے، نیتن یاہو

اسرائیلی وزیراعظم بنجمن نیتن یاہو نے کہا ہے کہ ایران نے حملہ ہر کے بہت بڑی غلطی کی جس کی قیمت اسے ادا کرنا ہوگی۔

ایرانی حملوں کے بعد کابینہ کے سیکیورٹی اجلاس میں نیتن یاہو نے اس بات کی تصدیق کی کہ ایران کی جانب سے سیکڑوں میزائل اسرائیلی شہریوں پر داغے گئے۔

انہوں نے کہا کہ ہمارے بہتر دفاعی نظام کی بدولت ایران اپنے اہداف حاصل کرنے میں ناکام رہا تاہم اس کو اب اس حملے کی قیمت اداکرنا ہوگی۔

نیتن یاہو نے حملہ ناکام بنانے پر امریکا کا شکریہ ادا کیا اور اسرائیلی ڈیفنس کے اہلکاروں کو شاباش بھی دی۔ انہوں نے کہا کہ اسرائیل اپنے دفاع اور دشمن کو جواب دینے کیلیے ہر حد تک جاسکتا ہے۔