ایرانی سپریم لیڈر منظر عام پر آگئے، عوام کا پرتپاک نعروں سے استقبال

تہران: ایران کے  رہبر اعلیٰ  آیت اللہ خامنہ ای جنگ کے بعد پہلی بار منظر عام پر آگئے۔

ایرانی میڈیا کے مطابق سپریم لیڈر  آیت اللہ خامنہ ای نے تہران میں شب عاشور کی مجلس میں شرکت کی۔ 

آیت اللہ کے اسٹیج پر آتے ہی مجلس میں بیٹھے عزاداروں نے فلک شگاف نعرے لگائے اور پرتپاک استقبال کیا۔

ایرانی سپریم لیڈر نے شرکا سے گفتگو میں کہا کہ امام حسین اور ساتھیوں کی قربانیوں کو دیکھتے ہوئے ہمیشہ حق پر ڈٹنے کا عہد کریں تو دنیا کی کوئی طاقت شکست نہیں دے سکتی۔