پیٹرول کی قیمت میں کمی کا امکان

حکومت نے مہنگائی کا سامنا کرنے والے شہریوں کو پیٹرول کی مد میں ریلیف دینے کا فیصلہ کرلیا ہے۔

ذرائع نے منگل کو بتایا کہ آئندہ 15 روز (یکم تا 25 مئی) حکومت نے پیٹرول کی قیمت میں پانچ جبکہ ڈیزل کی قیمت میں 8 روپے کم کرنے پر غور شروع کردیا۔

 بین الاقوامی منڈی میں قیمتیں کم ہونے کی وجہ سے یہ فیصلہ کیا گیا ہے۔

 حکومت آئل اینڈ گیس ریگولیٹری اتھارٹی (اوگرا) کی سفارشات کی بنیاد پر ہر 15 دن بعد پیٹرولیم مصنوعات کی قیمتوں میں ردوبدل کرتی ہے۔

 پچھلے دو پندرہ دنوں کے جائزوں میں حکومت نے پٹرول کی قیمت میں 14.19 روپے فی لیٹر اضافہ کیا تھا۔

 پٹرول اور ڈیزل کی موجودہ قیمتیں بالترتیب 293.94 روپے اور 290.38 روپے فی لیٹر ہیں۔

 وزارت خزانہ نئی قیمتوں کا اعلان 30 اپریل کی رات وزیر اعظم شہباز شریف سے مشاورت کے بعد کرے گی۔