سونے کی فی تولہ قیمت میں دوسرے روز بھی اضافہ

عالمی مارکیٹ میں سونے کی قیمت بڑھنے کے باعث پاکستان میں آج بھی ریٹ میں اضافہ ریکارڈ کیا گیا۔

تفصیلات کے مطابق عالمی مارکیٹ میں ٹریڈنگ کے دوران سونے کی قیمت 2 ڈالر اضافے کے بعد 2036 ڈالر فی اونس پر پہنچ گئی۔

عالمی مارکیٹ میں ہونے والے اضافے کے باعث مقامی صرافہ بازار میں منگل کے روز بھی فی تولہ اور دس گرام کی قیمتوں میں اضافہ ہوا۔

آل پاکستان جیولرز ایسوسی ایشن کے مطابق سونے کی فی تولہ قیمت میں 100 روپے اضافے سے 2 لاکھ 15 ہزار 900 روپے پر پہنچ گئی۔

 اسی طرح فی 10 گرام سونے کی قیمت 86 روپے اضافے کے بعد ایک لاکھ 85 ہزار 100 روپے ہوگئی۔