مایا علی کی شادی سے متعلق پہلی بار لب کشائی

پاکستانی اداکارہ مایا علی نے واضح کیا ہے کہ شادی سے متعلق وہ کبھی بھی سماجی دباؤ میں نہیں آئیں گی۔

حال ہی میں ایک پوڈ کاسٹ پر بات کرتے ہوئے، معروف اداکارہ نے اس بارے میں اپنے واضح خیالات کا اظہار کیا ۔

انہوں نے کہا کہ "ہمیں شادی صرف اس لیے نہیں کرنی چاہیے کہ کوئی پوچھ رہا ہو کہ ہم نے ابھی تک ایسا کیوں نہیں کیا،" انہوں نے مزید کہا کہ لوگ اکثر خواتین کو یہ کہہ کر شادی کے لئے دھکیلنے کی کوشش کرتے ہیں کہ ان کی عمر بڑھ گئی ہے یا کوئی خاص شخص انہیں "خوش رکھ سکتا ہے"۔

مایا کے لیے شادی اس سے کہیں بڑھ کر ہے۔ انہوں نے وضاحت کی کہ یہ "دو خاندانوں اور دو افراد کے درمیان زندگی کا ایک بڑا فیصلہ ہے"، اور جو چیز واقعی اہم ہے وہ تعلق ہے۔

انہوں نے مزید کہا کہ جس دن مجھے کسی کے ساتھ یہ تعلق ملا، میں شادی ضرور کروں گی، لیکن اس لیے نہیں کہ لوگ مجھے کہہ رہے ہیں۔

اگر ہم کہتے رہیں کہ سب کچھ خدا کی مرضی سے ہوتا ہے تو پھر ہم کیوں نہیں مانتے کہ شادی بھی اس کا فیصلہ ہے، یہ تب ہو گا جب یہ ہونا ہے۔