میرے استعفے سے امن آتا ہے تو عہدہ چھوڑنے کو تیار ہوں، زیلنسکی

 کیف : یوکرینی صدر زیلنسکی نے کہا ہے کہ میرے مستعفی ہونے سے یوکرین میں امن آتا ہے تو عہدہ چھوڑنے کو تیار ہوں۔

غیر ملکی خبر رساں اداے کے مطابق یوکرینی صدر نے یورپی رہنماں کے ساتھ آج سربراہ اجلاس کا اعلان کر دیا ہے۔یوکرینی صدر زیلنسکی کا کہناتھا کہ امن بزورِ طاقت روس سے ہو نہ کہ یوکرین کے ساتھ۔

انہوں نے کہا کہ یوکرین کو نیٹو کا رکن بنا دیں تو میں مستعفی ہو جائوں گا۔ صدر زیلنسکی کا مزید کہنا تھا کہ جنگ پر خرچ 5 سو ارب ڈالرز تو کیا 100 ڈالرز بھی نہیں مانتا، ایسی ڈیل پر دستخط نہیں کروں گا جس کی ادائیگی 10 نسلوں کو بھگتنا پڑے۔

ان کا یہ بھی کہنا تھا کہ روس کے خلاف جنگ کے لیے بائیڈن انتظامیہ سے رقم امداد کے طور پر ملی تھی، کسی کو پسند آئے یا نہیں، امداد کی واپسی ذمے داری نہیں ہوتی۔