مجلس میں ’زبردستی رونے‘ کے وی لاگ پر رجب بٹ پھنس گئے

پاکستانی یوٹیوبر رجب بٹ کو مجلس میں شرکت اور غم حسین میں اپنی ویڈیو کی پذیرائی پر شدید تنقید کا سامنا ہے۔

تفصیلات کے مطابق یوٹیوبر رجب بٹ نے 9 محرم کی اپنی ڈیلی وی لاگنگ کی ویڈیو چینل پر اپ لوڈ کی جس کے آغاز میں انہوں نے کہا کہ وہ اس ویڈیو میں اہل تشیعوں کی 9 اور 10 محرم کی مصروفیات و عبادات کے بارے میں بتائیں گے۔

اس کے بعد رجب بٹ اپنے اہل خانہ کے ہمراہ گھر سے روانہ ہوئے اور کسی امام باڑے میں پہنچے جہاں انہوں نے مجلس کے آغاز سے ماتم اور شبیہ ذوالجناح وغیرہ تمام مناظر کو ویڈیو میں دکھایا۔

مصائب بیان کرتے وقت جب عزاداروں نے گریا کیا تو اس دوران رجب بٹ نے اپنی پذیرائی کیلیے کیمرے کو بیک سے فرنٹ کیا اور خود کو روتے ہوئے دکھایا ۔

انہیں اپنا یہ عمل انتہائی بھاری پڑا کیونکہ اس کے بعد صارفین نے جو انہیں تنقید کا نشانہ بنایا اس حوالے سے انہوں نے سوچا بھی نہیں ہوگا۔

صارفین نے انہیں مکار، فریبی، خودنمائی کرنے والا اور ڈرامے باز قرار دیتے ہوئے کئی القابات سے نوازا۔

صارفین نے لکھا کہ رجب بٹ نے ڈرامہ کیا اور زبردستی رونے کی اداکاری کی۔ اس کے بعد انہیں سوشل میڈیا پر ان فالو کرنے کی مہم شروع ہوگئی ہے۔