رجب اور ایمان کی شادی میں نوٹوں کی بارش مہنگی پڑ گئی

سوشل میڈیا اسٹار اور یوٹیوبر رجب علی کی پرتعیش شادی اور پیسوں کے بے دریغ استعمال پر تنازع کھڑا ہوگیا ہے۔

رجب علی اور ایمان کی شادی پر یوٹیوبرز نے نہ صرف انجوائے کیا بلکہ ہزاروں روپے نچھاور کیے۔ 

نچھاور کیے جانے والے نوٹوں میں 100 سے لے کر پانچ ہزار جبکہ کچھ نے تو امریکی کرنسی ڈالر بھی اڑائے۔

اس پر اب یوٹیوبر معاذ صفدر، صبا ابراہیم اور دیگر صارفین نے شدید تنقید کی ہے۔

معاذ صفدر نے پیسے نچھاور کرنے پر برہمی کا اظہار کرتے ہوئے اسے عوامی شہرت حاصل کرنے کی وجہ قرار دیا اور افسوس کا اظہار بھی کیا۔

یوٹیوبر صبا ابراہیم نے کہا کہ ہم رجب اور ایمان کی شادی کا وی لاگ دیکھ رہے تھے اتنے سارے پیسے تو ہم نے کبھی نہیں دیکھے۔