ٹاک ٹاکر ثنا یوسف کی دوست کے اغوا کی کوشش اور قتل کی دھمکیاں

اسلام آباد کی معروف ٹک ٹاکر سامعہ حجاب نے شہری کی جانب سے ہراساں اور اغوا کرنے کا انکشاف کیا ہے۔

تفصیلات کے مطابق اسلام آباد کی ٹک ٹاکر سامعہ حجاب نے ایک شخص کے خلاف ہراساں کرنے اور اغوا کی کوشش کی ایف آئی آر درج کرائی ہے۔

تھانہ شالیمار میں درج کرائے گئے مقدمے میں سامیہ نے ملزم حسن زاہد پر الزامات عائد کیے ہیں۔

ٹک ٹاکر نے بتایا کہ ملزم حسن زاہد کئی دن سے اس کا تعاقب کر رہا تھا اور اس پر تحائف قبول کرنے کے لیے دباؤ ڈال رہا تھا۔

سامعہ کے مطابق ملزم نے 31 اگست کو گھر کے باہر سے اغوا کرنے کی کوشش بھی کی جبکہ کھلے عام جان سے مارنے کی دھمکیاں بھی دی ہیں۔

پولیس نے سامعہ کی شکایت پر فوری کارروائی کرتے ہوئے مقدمہ درج کر لیا ہے اور واقعے کی سی سی ٹی وی فوٹیج اور ٹک ٹاکر کے بیان کو ثبوت کے طور پر حاصل کر لیا ہے۔

سامعہ نے سوشل میڈیا پر ایک ویڈیو بھی جاری کی ہے جس میں اس نے اپنی جان کو خطرہ قرار دیا ہے۔

سامعہ نے اپنی ویڈیو میں کہا کہ اُن کی دوست اور معروف ٹک ٹاکر ثنا یوسف کو بھی اسی وجہ سے قتل کیا گیا اور وہ اب اپنی جان کا تحفظ چاہتی ہیں۔ انہوں نے بتایا کہ ملزم کی زبردستی کے وقت والدہ بیٹ سے گر گرئیں تھیں جس کی وجہ سے اُن کے آپریشن والی جگہ سے خون بہنے لگا تھا۔