ویوین ڈیسینا دین اسلام کی طرف کیسے راغب ہوئے؟

بھارتی ٹیلی وژن انڈسٹری کے معروف اداکار ویوین ڈیسینا کا کہنا ہے کہ اُنہوں نے کچھ سال قبل ماہِ رمضان میں اسلام قبول کیا تھا کیونکہ یہ مقدس مہینہ اُن کے دل کے بہت قریب ہے۔

اپنے حالیہ انٹرویو میں ویوین ڈیسینا کا کہنا تھا کہ اسلام قبول کرنے کے بعد یہ میری زندگی کا چھٹا رمضان ہے، میں اللہ کے فضل و کرم سے پورے 30 روزے رکھتا ہوں اور اس بابرکت مہینے میں زیادہ سے زیادہ عبادت بھی کرتا ہوں۔

اُنہوں نے کہا کہ میں شادی کے بعد بحرین منتقل ہوگیا ہوں تو میری کوشش ہوتی ہے کہ میں ماہِ رمضان اپنے اہلخانہ کے ساتھ بحرین میں گزاروں لیکن اگر مجھے بھارت میں کسی پراجیکٹ میں کام کرنا ہوتا ہے تو پھر مجبوری میں اہلخانہ سے دور رہنا پڑتا ہے۔

اداکار نے کہا کہ تمام مسلمانوں پر رمضان کے 30 رکھنا فرض ہیں کیونکہ یہ اسلام کے بنیادی پانچ ارکان میں سے ایک ہے لیکن کسی عذر یا بیماری کی صورت میں ہم روزہ چھوڑ سکتے ہیں۔