عید کا سوٹ نہ سینے پر عوام کا درزیوں پر تشدد

جیسے جیسے عید الفطر قریب آتی ہے معمول کے مطابق درزیوں کی اکثریت عید کے کپڑوں کی سلائی کے آرڈر لینا چھوڑ دیتی ہے اور اپنے دروازوں پر 'آرڈرز کلوزڈ' چسپاں کر دیتی ہیں۔

 لیکن پنجاب کے شہر میلسی کے رہائشیوں نے عید کے کپڑے سینے سے انکار پر درزیوں کو تشدد کا نشانہ بنایا ہے۔

 تفصیلات کے مطابق درزیوں نے کام کے بوجھ اور بجلی کی لوڈشیڈنگ سے پیدا ہونے والے بیک لاگ کے مسائل کی وجہ سے نئے آرڈر لینے سے انکار کر دیا۔

 عینی شاہدین نے بتایا کہ درزیوں پر تشدد کرنے کے بعد ملزمان جائے وقوعہ سے فرار ہو گئے۔

 تاہم پولیس نے معاملے کی تفتیش شروع کردی ہے اور ملزمان کی گرفتاری کے لیے چھاپے مارے جارہے ہیں۔