بھارتی جارحیت: قومی اتحاد کیلیے عمران خان کو رہا کیا جائے، پی ٹی آئی

اسلام آباد: پاکستان تحریک انصاف کے چیئرمین بیرسٹر گوہر علی خان نے قومی اسمبلی کے اجلاس سے خطاب کرتے ہوئے کہا کہ بھارت کے حملے کے بعد ملک کی تمام سیاسی قیادت کو متحد ہو جانا چاہیے۔

تفصیلات کے مطابق بیرسٹر گوہر نے پاک فضائیہ کی کارکردگی کو سراہتے ہوئے کہا کہ "ہماری فضائیہ نے چند گھنٹوں میں بھرپور جواب دے کر بھارت کو ناقابل تلافی نقصان پہنچایا"۔

انہوں نے کہا کہ  2019 کے واقعات کا حوالہ دیتے ہوئے کہا کہ "عمران خان نے کہا تھا کہ ہم سوچیں گے نہیں، جواب دیں گے اور آج ہم نے وہی کیا"۔

بیرسٹر گوہر نے کہا کہ سیاسی یکجہتی پر زور دیتے ہوئے کہا: "اگر بھارت کی قیادت متحد ہو سکتی ہے تو پاکستان کی کیوں نہیں؟"

انہوں نے کہا کہ وزیراعظم شہباز شریف کی اپوزیشن سے مذاکرات کی پیشکش کا خیرمقدم کرتے ہوئے کہا کہ تمام سیاسی قیدیوں کی فوری رہائی کا مطالبہ کیا۔

انہوں نے مطالبہ کیا کہ عمران خان سمیت تمام قیدیوں کو شفاف عدالتی کارروائی کا موقع دینے کی تاکید کی۔

بیرسٹر گوہر نے پہلگام اور جعفر ایکسپریس واقعات کا ذکر کرتے ہوئے کہا کہ "سیاست میں تالی ایک ہاتھ سے نہیں بجتی"، جس سے ظاہر ہوتا ہے کہ ملکی مفادات کے لیے سیاسی یکجہتی ضروری ہے۔

پی ٹی آئی رہنما نے کہا کہ "ہمیں دیوار سے لگایا گیا، لیکن ہم اس ایوان میں موجود ہیں"، جس سے جمہوری عمل میں ان کی شرکت کے عزم کا اظہار ہوتا ہے۔