بھٹو قتل ریفرنس میں بڑی پیشرفت، سپریم کورٹ کا حکم نامہ جاری

سپریم کورٹ آف پاکستان نے بھٹو قتل صدارتی ریفرنس کیس کے دلائل مکمل کرلیے جبکہ حکم نامے میں کہا گیا ہے کہ پیر تک کیس کی سماعت مکمل کرلی جائے گی۔

تفصیلات کے مطابق چیف جسٹس کی سربراہی میں تین رکنی بینچ نے بھٹو قتل صدارتی ریفرنس پر سماعت کی جس میں آج تمام وکلا نے دلائل مکمل کرلیے۔

سپریم کورٹ کی جانب سے جاری ہونے والے  آج کی سماعت کے حکم نامے میں کہا گیا ہے کہ منظور احمد ملک، اعتزاز احسن، فاطمہ بھٹو اور ذوالفقار جونیر کے وکیل زائد ابراہیم جبکہ بلاول بھٹو زرداری کے وکیل فاروق ایچ نائیک نے بھی دلائل مکمل کر لیے۔

حکم نامے کے مطابق کیس کی آئندہ سماعت پیر کو ہوگی اور آئندہ سماعت کو مکمل کرلیا جائے گا۔