بانی پی ٹی آئی مجھے دیکھتے ہی بغل گیر ہوئے، بوسہ بھی لیا، شیخ رشید

راولپنڈی: شیخ رشید اور بانی پی ٹی آئی عمران خان کی اڈیالہ جیل میں 9  مئی جی ایچ کیو حملہ کیس کی سماعت کے دوران ملاقات ہوئی ہے۔

سابق وفاقی وزیر شیخ رشید کا میڈیا سے بات کرتے ہوئے کہنا تھا کہ عمران خان سے بڑے عرصے بعد ملاقات ہوئی، عمران خان نے گلے لگایا اور  بوسہ لیا۔

شیخ رشید کا کہنا تھا کہ بانی پی ٹی آئی عمران خان نے مجھے دیکھتے ہی میرے ساتھ بغل گیر ہوئے۔

اُنہوں نے کہا کہ بانی پی ٹی آئی عمران خان سے مل کر بہت خوشی ہوئی، ان سے کمرہ عدالت میں طویل گپ شپ ہوئی۔