بینگن یا ہوائی جہاز کے انتخابی نشان سے فرق نہیں پڑتا، عدالت

لاہور ہائیکورٹ کے راولپنڈی بینچ نے الیکشن کمیشن کی جانب سے آزاد امیدواروں کو دیے گئے انتخابی نشانات پر دائر اعتراضات کے حوالے سے درخواستوں پر سماعت کی۔

دوران سماعت جسٹس مرزا وقاص رؤف نے کہا کہ انتخابی نشان بینگن ہو یا ہوائی جہاز کچھ فرق نہیں پڑتا، جن امیدواروں کو جو بھی نشانات مل گئے انہی پر الیکشن میں جائیں۔

جج کا کہنا تھا کہ ’انتخابی نشانات  کچھ بھی ہو اس سے کوئی فرق نہیں پڑتا اور اب وقت بھی باقی نہیں ہے، امیدوار الیکشن میں جائیں تو عوام فیصلہ خود کرلیں گے۔

ہائی کورٹ راولپنڈی بنچ نے انتخابی نشانات تبدیل کرنیکی پٹیشنیں خارج کر دی اور تحریک انصاف کے مری این اے 51 سے امیدوار ستی کی ہراساں نا کرنیکی پٹیشن منظور کر لی۔

جسٹس مرزا وقاص رؤف نے ایک جیسی پانچ پٹیشنیں خارج کر دیں۔