اڈیالہ جیل میں جگہ نہ ہونے کیوجہ سے بشری بی بی کو منتقل نہیں کرسکتے، حکام

اڈیالہ جیل حکام نے سابق خاتون اول اور عمران خان کی اہلیہ کو بیرک میں جگہ نہ ہونے کی وجہ سے بنی گالا سے منتقل کرنے سے معذرت کرلی۔

جیل حکام نے پاکستان تحریک انصاف (پی ٹی آئی) کے بانی عمران خان کی اہلیہ بشریٰ بی بی کو 'جگہ کی کمی' کا حوالہ دیتے ہوئے بنی گالہ سب جیل سے اڈیالہ جیل منتقل کرنے سے انکار کر دیا ہے۔

 بشریٰ بی بی کو توشہ خانہ کیس میں 14 سال قید کی سزا سنائی گئی تھی اور وہ اس وقت بنی گالہ میں اپنی سزا کاٹ رہی ہیں جسے حکام نے سب جیل قرار دیا ہے۔

 اسلام آباد ہائی کورٹ کے جسٹس میاں گل حسن اورنگزیب نے سابق وزیراعظم کی اہلیہ کی جانب سے دائر درخواست پر سماعت کی۔

 سماعت کے دوران سپرنٹنڈنٹ اڈیالہ جیل نے بشریٰ کی درخواست مسترد کرتے ہوئے اپنی رپورٹ عدالت میں پیش کی۔

 ایک رپورٹ میں حکام نے کہا کہ وہ بشریٰ بی بی کو جگہ کی کمی کی وجہ سے اڈیالہ جیل منتقل نہیں کر سکتے کیونکہ "250 خواتین پہلے ہی راولپنڈی جیل میں اپنی سزا کاٹ رہی ہیں"۔

 تاہم اسلام آباد کے چیف کمشنر نے بشریٰ بی بی کی درخواست پر اپنا جواب عدالت میں جمع نہیں کرایا۔

 بعد ازاں، (IHC) نے آئی سی سی کو مقررہ وقت پر رپورٹ پیش کرنے کی ہدایت کرتے ہوئے سماعت دو ہفتوں کے لیے ملتوی کردی۔