افغان سرحد سے دراندازی، سیکیورٹی فورسز نے 19 خوارج کو ہلاک کردیا

شمالی وزیرستان میں پاک-افغان سرحد کے قریب سیکیورٹی فورسز نے بھارت کی سرپرستی میں ' فتنہ الخوارج' کی افغان سرزمین سے دراندازی کی کوشش کو ناکام بناتے ہوئے 30 دہشت گردوں کو ہلاک کردیا۔

آئی ایس پی آر کے مطابق، بھارتی پراکسی نیٹ ورک فتنہ الخوارج سے تعلق رکھنے والے خوارج کے ایک بڑے گروہ"کی نقل و حرکت 1-2 جولائی اور پھر 2-3 جولائی 2025 کی راتوں کو حسن خیل کے علاقے میں دیکھی گئی۔ یہ گروہ افغانستان سے غیر قانونی طور پر پاکستان میں داخل ہونے کی کوشش کر رہا تھا۔

پاکستانی سیکیورٹی فورسز نے دراندازوں کو روکا اور 30 عسکریت پسندوں کو ہلاک کر دیا جبکہ موقع سے بھاری مقدار میں اسلحہ، گولہ بارود اور دھماکہ خیز مواد بھی برآمد کیا گیا۔

پاک فوج کے شعبہ تعلقات عامہ (آئی ایس پی آر) کے مطابق  "ہمارے چوکاس دستوں کے بروقت ردعمل نے ایک ممکنہ تباہی کو ٹال دیا۔ ان کی غیر معمولی پیشہ ورانہ مہارت، مسلسل چوکسی اور تیاری نے اس بات کو یقینی بنایا کہ قومی سلامتی پر کوئی سمجھوتہ نہیں کیا گیا۔"

فوج کے میڈیا ونگ نے مزید زور دیا کہ افغانستان کے موجودہ حکام کو اپنی ذمہ داری پوری کرنی چاہیے تاکہ **"غیر ملکی پراکسیوں"کو پاکستانی سرزمین کو ہدف بنانے والی سرحد پار دہشت گردانہ سرگرمیوں کے لیے افغان سرزمین استعمال کرنے سے روکا جا سکے۔

بیان میں مزید کہا گیا، "پاکستان کی سیکیورٹی فورسز ملک کی سرحدوں کا دفاع کرنے اور دہشت گردی کے خطرے کو ختم کرنے میں ثابت قدم اور پرعزم ہیں، خاص طور پر وہ جو دشمن غیر ملکی طاقتوں کی سرپرستی میں ہیں۔"

صدر آصف علی زرداری اور وزیر اعظم شہباز شریف نے عسکریت پسندوں کو ختم کرنے پر سیکیورٹی فورسز کو سراہا۔ اپنے ریمارکس میں وزیر اعظم شہباز نے کہا، "ہماری بہادر مسلح افواج قوم کے دفاع میں ایک مضبوط دیوار کی طرح کھڑی ہیں۔ یہ آپریشنز دہشت گردی کے مکمل خاتمے تک جاری رہیں گے۔"

انہوں نے مزید کہا کہ پوری قوم مسلح افواج کی ہمت اور قربانی کو سلام پیش کرتی ہے۔

وفاقی وزیر داخلہ محسن نقوی نے بھی سیکیورٹی فورسز کو ان کی کامیاب کارروائی پر خراج تحسین پیش کیا اور تمام سطحوں پر انسداد دہشت گردی کی کوششوں کی حمایت کے لیے حکومت کے عزم کا اعادہ کیا۔