گوادر میں ریکارڈ بارش سے خطرناک صورت حال، ایمرجنسی نافذ

بلوچستان کے شہر گوادر میں 16 سال بعد فروری میں ریکارڈ موسلادھار بارشوں کے بعد حالات ابتر ہوگئے، اربن فلڈنگ سے نظام زندگی متاثر ہیں۔

محکمہ موسمیات کے مطابق مغربی سسٹم کے تحت گوادر میں فروری کے مہینے میں اب تک سب سے زیادہ 125 ملی میٹر بارش ریکارڈ کی گئی۔

گوادر میں سن 2008 کو فروری کے مہینے میں 38ملی میٹر بارش ریکارڈ ہوئی تھی۔

اُدھر انتظامیہ نے بارشوں اور سیلابی صورت حال کے پیش نظر ایمرجنسی نافذ کردی ہے جبکہ پاک فوج بھی امدادی کاموں میں مصروف ہے۔